Nagpaluwas nin opisyal na pahayag an kampo ni Vice President Sara Duterte katakod kan pagsusunad liwat kan impeachment complaints laban saiya.
Segun kay Atty. Michael Poa, tagapagtaram kan defense team, dae na ninda ikinakigkig an lakdang kan mga nagbubusol kan reklamo.
Pigtawan doon kan kampo na dai pa sana nahahaloy an piglinaw kan Korte Suprema na an impeachment bako sana sarong proseso sa pulitika na nakabase sana sa mga alegasyon asin propaganda.
Imbes, ini an sarong constitutional mechanism na dapat magsunod sa mga basehan, ebidensya, asin magkakanigong proseso.
Nanindugan si Poa na preparado sindang hampangon an mga alegasyon sa paagi nin magkakanigong constitutional process.
Kumpiyansa man an kampo na an patas asin warang pigkikilingang pagdangog iyo an magpapatunay na an mga akusasyon an warang basehan sa katotohanan asin ley.
Sa kabilugan, nanindugan an defense team na an impeachment laban ki Duterte sarong angat na saindang hahampangon na may kusog nin boot asin kumpiyansa sa hustisya.
