LEGAZPI CITY – Ikinamundo kan sarong propesor an ginibong coverage kan media entities sa nangyaring kariribukan sa pag-arestar sa mga anti-mining na residente sa Dupax del Norte, Nueva Vizcaya.
Segun ki University of the Philippines College of Mass Media and Communication Professor Danilo Arao sa intrevista kan Bombo Radyo Legazpi na mas tinutukan pa ngonian kan mga media an detalye mapadapit sa tulong Beauty queen kaysa sa nangyari sa mga residente sa Dupax del Norte.
Bako sana suboot ini orolay sa pagbayolar sa diretsos humanos kundi pati na sa distrosong epekto kan pagmimina na nangyayari sa manlain-laing parte kan nacion.
Pagdoon niya na kaipuhan na pag-olayan an issue sa pagmimina urog na sa mga news media organization partikular na an pagtutok sa contextual accuracy nganing masiyasat an gabos na mga pangyayari sa lugar.
Pigtaram pa kan naunambitang propesor na sa ibong kan pagiging patas kan media sa pagbabarewas nin impormasyon alagad dapat magpanig an mga ini sa katotoohan asin magtaong boses sa mga namamanwaang dae nagriribok sa mga napapanahong issue.
Dapat suboot na magin instrumento an media na madangog an mga namamanwaang dae na kinampihan kan korte an saindang agrangay laban sa pagmimina.
Punto pa ni Arao na dapat magpasiring an mga media sa mga komunidad asin hilingon an kamugtakan kan mga tawo sa sarong epesipikong lugar nganing makatarungan an saindang pagbabareta.
