LEGAZPI CITY-Nadanyaran an mga produkto kan mga paraooma sa Brgy. Dita Legazpi City huli sa naeksperyensyahang ashfall kan Enero 19.
Segun kay Kagawad Rachelle Arienda sa intrevista kan Bombo Radyo Legazpi, na ikinamundo ini kan mga paraooma huli sa apektado asin nalugi sinda sa pananom mantang digdi nagkukuwa nin pangkabuhayan.
Sa ngonian na nagluya na an ashfall sa lugar, padiit-diit na suboot sindang nakakabawi kan saindang negosyo.
Nakapagtao man suboot an lokal na gobierno nin mga fertilizers para sa pananom kan mga paraooma.
Piglalaoman kan opisyal an kadakol pang tabang para sa mga paraooma sa saindang lugar magin sa iba pang barangay ngani magin katuwang ninda ini sa saindang pangkabuhayan.
