LEGAZPI CITY—Puga-puga an preparasyon kan mga otoridad magin kan ibang ahensya kan gobierno sa isla provincia kan Catanduanes katakod kan pag-abot kan mga foreign ambassadors sa lugar.
Segun ki Catanduanes Police Provincial Office Public Informatin Officer Police Major Emsol Icawat, sa intrevista ka Bombo Radyo Legazpi, piglalaomang mabisita sa saindang lugar puon Pebrero 6-8 an nasa 51 delegado gikan sa Metro Manila kun saen 41 digdi an representantes kan mag foreign embassies kan 25 naciomn sa bilog na kinaban, siring man an 10 delegado kan Department of Foreign Affairs.
An nasabing pagbisita an may kinaaraaman sa official movements, site visits, asin engagement.
Segun sa opisyal na tulong banwaan an bibisitahon kan mga nasabing delegado siring kan Baras, Bato asin Virac.
Nagkundusir na man sinda nin meeting sa provincial capitol kaiba an manlaen-laenng ahensya asin departamento kan kapitolyo na kabale sa nasabing aktibidad.
Dugang ni Icawat na ide-deploy para man seguridad kan aktibidad an maabot sa 500 kaiba an saindang kapulisan, Philippine Army, Bureau of Fire Protection, Provincial Disaster Risk Reduction and Management Office (PDRRMO), magin Municipal Disaster Risk Reduction and Management Office na bibisitahon kan mga delegado.
