LEGAZPI CITY – Nagpapadagos an pigsasagibong monitoring kan Albay Provincial Social Welfare and Development Office (PSWDO) nganing aramon an kamugtakan kan mga Internally Displaced Persons na nagtetenir sa mga evacuation centers huli sa mga aktibidades kan Bulkang Mayon.
Segun ki Albay PSWDO Social Worker Jessa Ella sa intrevista kan Bombo Radyo Legazpi na kadaklan sa mga pig-aagrangay kan mga bakwit iyo an tubig, mas dakulang espasyo kan saindang evacuation centers, asin bako salbadong mga paramientras na comfort rooms.
Kadaklan man sa mga ini an nangapodan na tawan sinda nin mga sariwa asin mabaskog na pagkakan nganing dae man suboot sinda masanay sa mga delata.
Nakatalaan man sindang makipag-olay sa manlain-laing ahensya kan gobierno, Lokal na Gobierno siring man kan Governor Noel Rosal nganing magibuhan nin intervention an mga agrangay kan mga Mayon evacuees.
Pigtaram pa kan Social Worker na may mga magdulok man sa sainda nganing maghagad nin kadugangang pagsasagibo nin psychosocial interventions sa mga kaakian asin kababaihan.
Pagsyerto ni Ella sa mga Albayanong Internally Displaced Persons na dae sinda pigpapabayaan kan saindang ofisina nganing matabangan an mga ini mantang dae pa sinda pwedesir magbalik sa saindang kaharongan na nasa laog kan 6KM permanent danger zone.
 continues to monitor the situation of the Internally Displaced Persons who are staying in the evacuation centers due to the activities of Mayon Volcano.){kind=link}