Binitay kan China an 11 miyembro kan Ming family na pigkokunsiderar bilang notorious mafia na nagpapadalagan nin multibillion-dollar scam industry sa Myanmar.
Sinentensiyahannin kagadanan an mga ini kan korte sa Zhejiang province sa China kan Setyembre makalihis mapatunayang guilty sa patung-patong na kaso nin homicide, illegal detention, fraud asin pagpapadalagan nin gambling dens.
An Ming an saro sa dakol na clan na namamayo sa Laukkaing town sa Myanmar, na ginibong mga hub nin casino asin sex trade.
Buminagsak an saindang empire kan 2023 kan makulong asin ipasakamot sa China kan mga katutubong militias na nakasakop sa Laukkaing town sa tahaw kan civil war sa Myanmar.
An pagbitay sa mga miyembro kan mafia an nagpaabot nin mensahe nin pagpugol kan China sa mga magbabalo na magsagibo nin scam activities.
