LEGAZPI CITY—Dismayado an grupo kan ACT Teachers Partylist makalihis na dae pormal na tinanggap an saindang isinunad na impeachment complaint laban ki Presidente Ferdinand Marcos Jr., kan opisina ni House Secretary General Cheloy Garafil, na nasa sarong scheduled trip ngunyan sa Taiwan.
Segun ki Former ACT Teachers Representative France Castro, sa intrevista kan Bombo Radyo Legazpi, na malinaw man sa Rules of the House na isusunad ini sa Office the Secretary General asin pwedesir magtanggap asin dai man suboot kaipuhan kun yaon an mismong Secretary General.
Dugang ni Castro na iwinalat ninda an impeachment complaint sa nasabing opisina alagad wara ini nin tatak na ‘received’ asin nagsurat man an Makabayan bloc ki House Speaker Faustino Dy nganing maaraman kan opisyal na igwa pang sarong impeachment complaint an isinunad laban sa Presidente.
Tinawan-duon kaini na balido an nasabing reklamo maski na dae pormal na naresibe kan Secretary General ini huli sa dae man nakabugtak sa rules na personal ining dapat matanggap kan Secretary General.
Mientrastanto, pighayag kan opisyal na an saindang isinunad na reklamo kontra ki Marcos an mapadapit sa betrayal of public trust huli sa maanomalyang budget puon kan taong 2023 antes 2025.
