LEGAZPI CITY- Aminado an Makabayan block na magabat na laban an pagsusunad nin impeachment complaint kontra ki Presidente Ferdinand Marcos Jr. huli sa naga iram na number scheme.
Segun ki ACT Teachers Representative Antonio Tinio sa intrevista kan Bombo Radyo Legazpi na mayorya kan mga nasa Kongreso an nagsusuporta sa administrasyon.
Alagad sinabi kan kongresista na an orolay sa impeachment an dapat na bako number games kundi naka base sa mga ebidensya.
Kaibanan sa mga basehan kan Makabayan block sa ipigsunad na ika-duwang impeachment complaint kontra ki Presidente Marcos iyo an betrayal of public trust huli ta nagpalyar ini na itaguyod an konstitusyon asin ley huli sa suboot sistematikong pandarambong sa pondo kan banwaan huli sa flood control scandal.
Idugang pa digdi an pag-aprubar kan presidente sa unprogrammed appropriations asin pagkakaigwa nin mga insertions sa 2025 budget.
Huli ta duwa na an naisunad na impeachment, naglalaon si Congressman Tinio na mako-consolidate ini asin maire-refer sa Committee on Justice ngani na makapagpuon sa impeachment proceedings.
