LEGAZPI CITY—Arestado an Top 1 Provincial Most Wanted Person kan mga kapulisan sa banwaan kan Panganiban, provincia kan Catanduanes.
Nahahampang ini sa kasong pagbalgar sa kasong tolong counts nin Qualified Rape na warang pigrekomendang piyansa, asin duwang counts nin Lascivious Conduct sa irarom kan Section 5(b) kan Republic Act 7610 (Special Protection of Children Against Abuse, Exploitation, and Discrimination Act), na may pigrekomendang piyansa na P180,000 an kada saro.
Naarestar an indibidwal sa linaw kan warrant of arrest na ipinaluwas kan Enero 15, 2026 kan Regional Trial Court, Fifth Judicial Region, Branch 43, Virac, Catanduanes.
Isinagibo an pag-arestar sa pinagsarong operatiba kan Panganiban Municipal Police Station-led unit, Investigation and Detection Group (CIDG), asin Provincial Intelligence Unit (PIU).
Mientrastanto, nagtetenir na sa presente an akusado sa Bureau of Jail Management and Penology kan Virac kan nasambitang provincia.
