Sinabi ni Philippine Ambassador to the U.S. Babe Romualdez na dae nagtatago si dating Department of Public Works and Highways (DPWH) Secretary Manny Bonoan, alagad naghagad sana nin sarong bulan na extension antes magbalik sa nasyon.
Segun ki Romualdez, nakaolay niya si Bonoan sa telepono asin ipinaliwanag kaini na pig-reschedule an operasyon kan saiyang agom kun kaya magtetenir siya sa California sa ngonian.
Nakasaad na si Bonoan nakatalaan na magbalik sa Pilipinas sa Pebrero 15 makalihis an nasabing operasyon.
Inabisuhan siya ni Amb. Romualdez na tulos hampangon an mga isyung pigkakahampang sa nasyon.
Huli kan saiyang pagtener sa Estados Unidos, si Bonoan dai makakaatender sa nakatalaan na hearing kan Senate Blue Ribbon Committee sa Lunes, kun saen pag-uulayan an mga kontrobersiya na may relasyon sa saiyang dating posisyon.
 Secretary Manny Bonoan is not hiding, but only asked for a one-month extension before returning to the country.){kind=link}