LEGAZPI CITY- Tinawan linaw kan sarong Political Analyst asin Constitutional Law Expert na warang otoridad an sarong local council na magdeklarar nin persona-non-grata kontra sa sarong indibidwal.
Segun ki Atty. Michael Henry Yusingco sa intrevista kan Bombo Radyo Legazpi na maski pa an resolusyn an warang epekto, warang basehan asin maikokunsiderar na unconstitutional.
Ipighalimbawa kaini an deklarasyon kan Sangguiang Panlalawigan kan Catanduanes na magin persona-non-grata si Governor Patrick Azanza huli sa nagkapirang mga isyu sa pagultangan kan duwang lado.
Paliwanag kan opisyal na an ‘freedom of movement’ an piga-garantiya kan human rights asin dae pwedesir na pugulan o ipagbawal afuera na sana kun ipapaotob kan ley huli sa national security o seguridad na pang-salud.
Kung tutuusin, maikokunsiderar suboot na unconsitutional kun pagbabawalan an sarong gobernador na maglibot-libot sa provincia o maglaog sa kapitolyo.
Segun pa ki Yusingco na basado sa local government code, warang pagkakataon na pagbawalan an sarong gobernador na limitaran o pagbawalan an pakikipag-ugnayan sa Sangguniang Panlalawigan alagad aminadong dae dapat mawara an check and balance sa gobierno.
