Nagtutubod an Malakanyang na mawot sanang ilihis an isyu kan impeachment laban ki VP Sara Duterte rason na nagriribok an mga suportadores kan ikaduwang Presidente na magsunad man nin impeachment complaint laban ki Presidente Ferdinand Marcos Jr.
Ibunuyagyag ni Palace Press Officer USec Claire Castro, basado sa saindang impormasyon na ipgheras kan sarong lehislador nabatid na mga suportadores kan pamilya Duterte an nasa likod kan planong impeachment complaint laban sa Presidente.
Sienerto man ni Castro na preparado si Presidente Marcos na hampangon an reklamo asin pigrespeto niya an Konstitusyon asin an mga prosesong itinatakda kan ley.
Sinabi ni Castro na warang basehan an alegasyon nin breach of public trust katakod kan suboot pagpirma kan Presidente sa General Appropriations Act (GAA).
Tinawan-doon man kan opisual na dae naghabon nin kwarta an Presidente asin siya pa mismo an nagsugo nin imbestigasyon sa mga maanomalyang flood control projects na posibleng pinuonan kan korapsyon asin wara suboot ining isyu siring kan “Mary Grace Piattos”.
Kumpiyansa man an Palasyo na dae mausad an impeachment laban sa Presidente.
Sa presente, wara pang pormal na impeachment complaint laban ki Presidente Marcos kaya wara pang dapat na paghandaan an Presidente sa ngonian.
Ipogdoon ni Castro na ang impeachment an sarong seryosong prosesong konstitusyonal asin dae dapat gamiton bilang panakot o pang-media.
Inengganyar man niya an mga kritiko na enot na munang simbagon an mga isyung pigkakahampang kan saindang pigsusuportarang lider.
