Pinalagan ni Mamamayang Liberal Party-list Rep. Leila De Lima an pagkukumpara ni Senate President Vicente Sotto III sa saiyang naging pag-absent dati asin kay dating Sen. Antonio Trillanes IV sa haloy na pag-absent ni Sen. Ronald “Bato” dela Rosa sa Senado.
Segun kay De Lima, malinaw an kaibahan ninda ni Trillanes kumpara kay Sen. Dela Rosa huli ta sinda an nasa kulungan dati asin bako kusang-loob an dae pag-atendir, mantang si Dela Rosa an boluntaryong dae nagpapahiling makalihis maglutang an mga report mapadapit sa posibleng warrant of arrest hale sa International Criminal Court (ICC).
Pigtawan doon ni De Lima na an mga kasong isinunad saiya kan administrasyong Duterte an naibasura na, asin maski nakakulong poon 2017 sagkod 2023, padagos siyang nagtatrabaho bilang Senador, nagsusunad nin mga propwestong ley asin naghahagad na maka-atendir sa mga sesyon sa paagi kan video conference.
Sa hudyan, ipigdoon ni De Lima na dae sinda gibuhon na rason sa dae pagdisiplina sa suboot delinkwenteng Senador.
Magigirumdumang dae na nagpapahiling si Dela Rosa sa Senado poon pa kan Nobyembre 2025 makalihis isiwalat ni Ombudsman Jesus Crispin Remulla na may ICC warrant suboot laban saiya katakod kan war on drugs.
Magin sa mga bicameral conference committee meetings an dae man nag-atendir an Senador.
