Nanindugan si US President Donald Trump na kaipuhang makua kan Amerika an Greenland nganing mapugulan an Russia asin China na gibohon ini.
Tinawaan doon ni Trump an pagdepensar sa Greenland asin sinabing gigibohon ninda ini sa madali o sa dificil na paagi.
Naenot nang inihayag kan White House kamakailan na ikinokonsidera kan bakalon an Greenland na kontrolado kan Denmark bilang autonomous territory kaini alagad dae man isinasantabi an opsyon na gibohon ining annex sa pwersahang paagi.
Siring man pigdoon kan Denmark asin Greenland na bako “for sale” an nasabing teritoryo. Nagpatanid man an Denmark na en kaso maglansar nin military action sa saindang nacion an magigin hudyat ini kan pagwawakas kan defense alliance na North Atlantic Treaty Organization (NATO), kung saen kapwa miyembro an US asin Denmark.
Sa sarong statement, liwat na ipigdoon kan Greenland party leaders kaiba kan oposisyon, an saindang pagkontra na mapasairom sa kontrol kan Amerika asin ipigdoon na an futuro kan Greenland an dapat na pagdesisyunan kan namamanwaang Greenlandic.
