Inasegurar kan Department of Public Works and Highways (DPWH) na salbado an mga pangenot na tulay sa Manila na aagihan kan Traslacion kan Poong Jesus Nazareno sa Enero 9, segun ki Manila Mayor Francisco Domagoso.
Segun sa alkalde, nagpaluwas na nin certification an DPWH makalihis na siyasaton an kondisyon kan Quezon Bridge, Carlos Palanca Bridge, Ayala Bridge, asin Arlegui Bridge 1.
Basado sa assessment kan DPWH-NCR, nasa “fair condition” na an mga nasabing tulay, boot sabihon nasa marhay pa man giraray na kondisyon asin ligtas na gamiton.
Dugang pa kaini, importante an certification bilang parte kan crowd and safety planning kan ciudad, huli ta rinibong mga deboto an piglalaoman na maagi sa mga rutang ini.
Tama man an pagkabugtak kan mga railings asin barricades asin wara nin mga ulang sa mga agihan kan mga deboto.
Sa ibong kan may nagkapirang tulay na pigrerepair ngonian, arog kan Quezon Bridge, piglinaw kan DPWH na dae ini makakaapektar sa kaligtasan kan Traslacion.
Tinugutan man kan ahensya an paggamit nin mga tulay basta bawal an vehicular traffic durante kan prusisyon.
 has assured that the main bridges in Manila through which the Traslacion of Poong Jesus Nazareno will pass on January 9 are safe, according to Manila Mayor Francisco Domagoso.){kind=link}