Nakatalaang maghampang ngonian na Lunes, Enero 5 ang contractor na si Sarah Discaya sa kaenot-enoting paglilitis sa Lapu-Lapu City Regional Trial Court (RTC) sa Cebu katakod kan kaso sa flood control projects.
Susog sa Bureau of Jail Management and Penology (BJMP), todo bantay an Female Dormitory Jail sa saindang ciudad kun saen nakakarsel si Dicaya asin iba pang opisyal kan DPWH na lilitisin sa anomalya.
Sienerto man ni Manigos na may bastanteng security measures para sa ligtas na pagbiyahe kay Discaya gikan sa kulungan kaini pasiring sa korte.
Nakasentro an legal na proseso sa motion to quash sa warrant of arrest laban ki Discaya na isinunad kan Disyembre 19, 2025 siring man an pagtanggal nin mosyon sa warrant of arrest laban sa mga kapwa kaini akusado na mga opisyal kan DPWH asin construction firm kaini.
Piglalaomang dadarahon si Discaya sa RTC Branch 27 sa Lapu-Lapu City nganing dinggin ang ruling kan korte sa mosyon kabale an kahagadan kan akusado na magtinir sa kustodiya kan National Bureau of Investigation (NBI).
Nakatalaan an pagbasa kan sakdal kay Discaya sa Enero 13 kun saen dadangugon an plea kaini sa korte.
