Target ngonian kan liderato kan Department of Agriculture na madagdagan an produksyon nin lada sa nacion.
Katuyuhan kan lakdang na maibitaran an padagos na paglangkaw kan presyo kaini sa merkado.
Segun ki DA Secretary Francisco Tiu Laurel Jr., plano kan ahensya na i-stabilize an pagtanom nin lada sa Pilipinas laban sa nagbabagong klima na nakakaapektar sa produksyon kaini.
Aminado an kalihim na naghahalangkaw an presyo kan lada urog na kun may kalamidad o makukusog na pag-uuran.
Ini man an nakakaapektar sa suplay kan lada, na nagigin rason kan paglangkaw kan presyo kaini sa mga merkado.
Kun magigirumdoman, kan nakaaging taon, an presyo nin sarong kilong lada naglangkaw sa ₱800 huli sa sunod-sunod na kalamidad.
