Opisyal nang kinumpirmar kan Embahada kan Pilipinas sa Bern, Switzerland an identidad kan sarong 16-anyos na Pilipino na si Kean Kaizer Talingdan, na naireport na nawawara makalihis an kasulo sa sarong bar sa Crans-Montana kan maagahon kan Enero 1, 2026.
Presenteng naka-confine sa University Hospital of Zurich an binatilyo asin nasa stable na kondisyon, sa ibong kan padagos pa ining pigbabantayan kan mga doktor huli sa mga lugad na sinapo kaini.
Nakikipagkoordinar man an Embahada kan Pilipinas asin an Italian government sa mga awtoridad kan Switzerland para sa posibleng pagbalyo ni Kean sa Italy, depende sa resulta kan saiyang masunod na medical evaluation.
Susog sa opisyal na report, 40 katawo an nagadan asin 121 an nairido sa kasulo.
Sa ngunian, nagpapadagos pa an imbestigasyon sa kawsa kan insidente, mantang nadidipisilan pa an mga otoridad na mabisto an nagkapira sa mga biktima huli sa tindi kan saindang mga lugad.
