Nangapudan ngunyan an Russia nin tulos na paglilinaw hale sa US makalihis kaining ianunsyar na naarestar na asin napatalsik hale sa Venezuela si President Nicolas Maduro kaiba an saiyang agom na si First Lady Cilia Flores.
An Venezuela an pigkonsiderar na pinakaimportanteng kaalyado kan Russia sa Latin America pag-abot sa kalakalan asin militar. Pigbisto man kan Russia si Maduro bilang presidente kan Venezuela.
Sa sarong pahayag, ipinaabot ni Russian Foreign Ministry an labing pagkahadit kan Russia sa report na pwersahang pagtanggal kina Maduro asin First Lady hale sa saindang nacion sa kasagsagan kan agresibong mga aksiyon kan Amerika.
Susog sa Russia, an siring na mga aksiyon, en kaso man na totoo an kahalintulad kan bako katanggap-tanggap na pagbalgar sa soberaniya kan sarong independent state, sarong pagrespeto sa importanteng prinsipyo kan international law.
Enot na man na kinondena kan Russian Foreign Ministry an inapod kaining gibo kan US na armadong agresyon laban sa Venezuela, asin sinabing anumang “excuses” nganing tawan katwiran an siring na mga aksyon an bako katanggap-tanggap.
