LEGAZPI CITY—Nagin matoninong an pagselebrar kan pagsabat kan Bagong Taon sa isla provincia kan Catanduanes.
Segun ki Catanduanes Provincial Disaster Risk Reduction Management Office Emergency Operations Chief Roberto Monterola, sa intrevista kan Bombo Radyo Legazpi, wara man na nairehistrong nairido sa paggamit nin paputok o anu man na casualty na may kinaaraman digdi.
Afuera digdi, wara man suboot sindang narespodehan na anumang klase nin insidente durante kan nasabing selebrasyon.
Mientrastanto, naghihingoa man an opisyal na warang mairehistrong mga seryosong insidente ngunyan na bagong taon asin pigpatanidan man an publiko na mag-ingat urog na pagmabiyahe sa tinampo na magsunod sa traffic rules.
Mensahe man ni Monterola na en kaso may mga manutarang mga insidente an tulos na mag-report sa saindang opisina nganing tulos man sindang makapagresponde.
