Pig-enganyar ni United Nations (UN) Secretary-General Antonio Guterres an mga world leaders na mamuhunan sa pag-uswag asin positibong pagbabago asin bako sa pagraot.
Mantang nagpopoon an bagong taon, an bilog na kinaban nagtetenir sa sarong crossroads asin an gabos napapalibutan nin pagkaraot, kadahasan, climate breakdown, asin sistematikong mga pagbalgar sa international law.
Dakul suboot an naghahapot kun nagdadangog pa an mga lideres kan lambang nasyon asin kun preparado sindang magresponde sa presenteng mga problema.
Pigpunto man kaini na sobra sa 1/4 kan gabos na tawo sa kinaban an nakaistar sa mga lugar na apektado nin iriwal kun saen sobra sa 200 million an nangangaipo nin humanitarian assistance mantang sobra sa 120 million an pwersahang na-displace huli sa gera, kalamidad, asin iba pang krisis.
Huli kaini, nangapudan an UN chief nin kooperasyon nganing maseguro an katoninongan.
Malinaw suboot na an bilog na kinaban igwa nin supisyenteng resources nganing mapakarhay an kalidad kan buhay kan lambang saro asin mabulong an ano man na problema kan kinaban.
Sinabi niya na an mga lider asin gabos na namamanwaan kaipuhan na seryosohon ini, magtarabangan, asin gibohon an saindang kanya-kanyang papel.
Ngunyan na bagong taon, kaipuhan suboot na tumindog an gabos, nganing hampangon an presenteng mga problema asin tapuson an mga problema, arog kan giyera, epidemya, asin iba pa.
 Secretary-General Antonio Guterres urged world leaders to invest in development and positive change and not destruction.){kind=link}