LEGAZPI CITY- Liwat na nairehistro an halangkaw na numero kan rockfall events sa bulkang Mayon.
Basado sa datos kan Philippine Institute of Volcanology and Seismology na nasa 33 an kabilugan na rockfall events na nairehistro hasta kasubagong alas-12 nin maagahon.
Padagos man an ground deformation sa nasabing bulkan.
Marurumduman na sinabi kan Phivolcs na may posibilidad na itaas an alert level 2 sa bulkang Mayon enkasong maglangkaw pa an mga nairerehistrong mga aktibidad kaini.
