LEGAZPI CITY—Tinawan honra si Catanduanes Governor Patrick Alain Azanza bilang saro sa mga Lingkod Bayan Awardees kan Gawad Pilipino Awards 2025 na ginibo sa Quezon City.
Segun ki Catanduanes Governor Dr. Patrick Alain Azanza, sa intrevista kan Bombo Radyo Legazpi, sarong dakulang honra an makabale sa nasabing pagbisto ngonian na taon.
Pighayag man kan opisyal na ipapadagos niya an pagtutok sa good governance, pagserbi na naka-angkla sa prinsipyo nin transparency, integridad asin paninimbagan sa paagi kan pagtaong serbisyo asin honesto sa Catandunganons nganing masustinir an nasabing honra.
Tinawan-doon man kan opisyal na bako sana mga tropeo o honra an saiyang pighilig kundi an mismong mamatean kan konstituentes an pagbabago sa saindang mga buhay.
Nagpasalamat man an gobernador sa Gawad Pilipino Foundation sa nasabing pagbisto, sa namamanwaan kan Catanduanes, sa Diyos na makapagserbi sa publiko.
Mientrastanto, an nasabing pagbisto an pigtatao sa mga civil servants na nagtaong sakripisyo nganing maserbihan an namamanwaan.
Kabale man sa mga nakaresibe kaini sinda Pasig City Mayor Vico Sotto, Quezon City Mayor Joy Belmonte, asin iba pang opisyal kan gobierno sa nacion.
