LEGAZPI CITY—Liwat na nagpagiromdom an Bureau of Fire Protection Legazpi sa mga paratienda nin paputok sa ciudad na magsunod sa fire safety requirements nganing maibitaran an anumang insidente siring kan kasulo.
Segun ki Bureau of Fire Protection Legazpi Public Information Officer Senior Fire Officer 2 Norman Andes, sa intrevista kan Bombo Radyo Legazpi, siertohong dapat pirming igwang naka-standby na fire extinguishers asin sarong drum na balde nin tubig na harani sa saindang pwesto.
Nagpatanid man an opisyal sa mga mabakal na ipigbabawal an pagsigarilyo sa tiendahan nin mga paputok.
Tinawan-doon man na saindang kukumpiskaron asin tatanggalan nin permit an mga tindahan en kaso may manutaran sindang mga ipigpabakal na mga ilegal na paputok.
Mientrastanto, sinabi man ni Andes na wara pa man sindang nakumpiskar o nairehistrong mga nagtitinda nin mga ilegal na paputok sa ciudad.
