LEGAZPI CITY-Plano kan Legazpi City Water District na dagdagan an water pricing rate ngani masustenir an pangangaipohan asin pagpapauswag sa suplay nin tubig.
Segun kay Legazpi City Water District General Manager Rico Salazar, sa intrevista kan Bombo Radyo Legazpi na bago an implementasyon, magkakaigwa muna nin konsultasyon sa lokal na administrasyon asin public hearing.
Laoman man kaini na mapaparahay an serbisyo sa pagtatao nin suplay kan tubig.
Enkaso aprubahan suboot, magaabot sa P28 per cubic meter na an minimum hale sa P238, magigin P280.
Segun sa opisyal na kaipuhan ini huli sa nagdadakol an investment asin mga nangangaipo.
Popoonan man suboot an proseso kaini ngonian na maabot na taon.
Piglalaoman kan opisyal na huli sa pagdagdag sa pricing rate, magkakaigwa nin porsyon kan budget na maitatao sa pagpapauswag kan imprastraktura asin mas kadakol na interbensyon ngani mapadakula an suplay nin tubig.
