LEGAZPI CITY-Nagin alternatibo bilang inobasyon an QR Code system program kan Barangay Tagas sa Tabaco City ngani makapagpaabot nin reklamo asin iba pang mga kahagadan kan mga residentes sa saindang lugar.
Segun kay Punong Barangay Malou Juria Bonto sa intrevista kan Bombo Radyo Legazpi na parte kan saindang “Big Cap” na pig-intra ninda sa sarong aktibidad na pigaapod na “Galing Pook”.
Sa paagi suboot kan QR Code, pwedisir na magpaabot nin mga complaint sa saindang barangay.
Nababantayan man ninda an mga complaint huli sa nakalaag mismo digdi an mga kaso na pigreresibe kan barangay asin sa paagi kan sarong form, nakadirekta na an aplikasyon sa saindang sekretaryo.
Dugang pa kan opisyal na nagpoon ini sa “check and security” kan saindang barangay kasabay kan saindang mga serbisyo sa makabagong mga teknolohiya.
Sinabi man kan opisyal dapat magkrear nin manlain-lain na inobasyon sa pagpromotir kan makabagong paagi na kaipuhan isustenir asin pagisipan kan iba pang barangay.
Sa presente, plano kan konsheo na pahigoton pa an kakayahan kan mga Person’s with Disabilities (PWD’s) ngani makasabay sinda sa mga programa kan saindang barangay.
