LEGAZPI CITY – Piglaoman na kan August Twenty One Movement na dakol an mga pangarang nakabugtak sa kinonsiderang Cabral Files na listahan kan mga mambabatas na may mga proyektong pinondohan suboot kan Department of Public Works and Highways.
Magigirumduman na an Cabral Files an suboot an ipigwalat ni dating DPWH usec. Catalina Cabral kay Batangas Rep. Leandro Legarda Leviste tulong bulan antes ini magadan.
Segun ki August Twenty One Movement President Volt Bohol sa intrevista kan Bombo Radyo Legazpi na importante an naunambitang listahan alagad dapat ikonsiderar man kun ano an pakay kan nagsiwalat kan listahan urog na kun para ini sa namamanwaan o igwa ining pigkikilingan.
Dapat man suboot na ipa-under oath an naunambitang listahan asin mag-agi sa magkakanigong proseso siring kan saindang pighagad sa mga isiniwalat man ni dating Congressman Zaldy Co.
Nagsirbi man suboot na ipinagkait sa mga pilipinong biktima kan mahiwasang korapsyon an pagkagadan ni Cabral na saro kuta sa mga masiwalat kan mga nagin kalakalan sa laog kan ahensya kun kaya kahagadan ninda sa gobierno na imbestigaran an naunambitang pangyayari.
Punto pa ni Bohol na dapat imbestigaran kun talagang nagadan na an dating opisyales kan DPWH huli ta igwa nang nangyari na pineke an pagkagadan nganing matakasan sana an saindang paninimbagan sa ginibong katiwalian.
