Nagpatanid an Bangko Sentral kan Pilipinas sa publiko na dai basta-basta magtubod sa mga kumpanya na naggagamit kan saindang pangaran.
Segun sa BSP, igwa sindang naresibe na informasyon na ginagamit an saindang opisina sa paggibo nin pandadaya.
Kabali sa mga pineke iyo an mga assurance letters, loan contracts, asin certification for deposits.
Piglinaw man ninda na dai sinda awtorisado na magkolekta nin anti-money laundering clearance fees, buwis, o insurance.
Kalimitan sa saindang mga nasita iyo an mga pekeng loan companies na nagpapautang nin dakulang kantidad nin kuwarta sa hababang interes sa mga biktima.
