Gadan an tolong katawo kabale an duwang kapulisan sa pagsabog sa Moscow, Russia.
Susog sa imbestigasyon kan Investigative Committee kan Russia, sinita an duwang traffic police officers an kaduda-dudang indibidwal na harani sa kotse kan pulis.
Pagrani kan mga kapulisan sa lugar an biglang nagsabog an bomba.
Nagadan an duwang pulis huli sa tindi kan lugad na sinapo kabale an sarong indibidwal na nakatindog sa lugar.
Nangyari an insidente kun saen nagadan sa car bombing ang senior Russian general na si Lt. Gen. Fanil Sarvarov.
Padagos an piggibong imbestigasyon kan mga otoridad mapadapit sa nangyaring insidente.
