LEGAZPI CITY—Ininspeksyon kan mga kapulisan an mga panindang paputok sa Barangay Pawa, Tabaco City nganing masierto kun may mga ipigbabawal o legal an mga paputok na ipigpabakal na gagamiton ngonian na holiday season.
Segun ki Tabaco City Police Station Chief of Police Police Lieutenant Colonel Virgil Bibat, sa intrevista kan Bombo Radyo Legazpi, sa presente wara man sindang nanutaran na ipigpabakal na mga ipigbabawal na mga paputok sa naunambitang lugar.
Mensahe man kaini na maggamit na sana nin torotot imbes na mga paputok huli sa delikado ini urog na para sa mga kajovenesan.
Dugang ni Bibat na dakol man na kapulisan ninda an nakabugtak sa mga areas of convergence nganing masierto an kaligtasan kan publiko.
Abiso man kaini sa mga mapasiring sa simbahan na magin mapagmatyag asin ipig-asigurar na nakandado an harong nganing dae matawan nin pagkakataon an mga parahabon na samantalahon an saindang mga residencia.
