Nagsairarom an detainee na si Sarah Discaya sa mandatory quarantine kaiba an 9 pang mga akusado sa Lapu-Lapu Jail kasunod kan dai pa sana nahahaloy na pagbalyo kan mga ini hale sa kustodiya kan National Bureau of Investigation (NBI).
Kaibahan ni Discaya an tulong iba pang female detainees na ibinugtak sa reception cell para sa mandatory quarantine period na limang aldaw hasta duwang semana.
Segun ki Chief Inspector Ivy Christine T. Manigos, female dormitory warden kan Lapu-Lapu City Jail, tinawan si Discaya kan saindang mga pangenot na pangangaipo.
Sinabi pa kaini na kabali sa isolation period an health monitoring asin pagkumpleto kan mga booking procedures, asin pending na rekomendasyon gikan sa regional physician kan pasilidad.
Pagkatapos kan saindang mandatory quarantine, hahalaton ninda an rekomendasyon kan saindang regional physician para sa saindang masunod na lakdang.
Sa ibong kaini, pigsierto kan Jail Chief Inspector na piggigibo kan Bureau of Jail Management and Penology (BJMP) an saindang makakaya nganing maseguro an mga high-profile inmates arog ni Discaya.
.){kind=link}