LEGAZPI CITY- Nakapagrehistro nin paglangkaw sa presyo kan karneng urig sa Legazpi City Public Market ngunyan na bisperas nin Pasko.
Segun ki Legazpi City Public Market Meat and chicken Section President Allen Macam sa intrevista kan Bombo Radyo Legazpi na nasa P10 an idinugang sa presyo kan kada kilo kan urig.
An kada kilo kan pata an nasa P270 hasta P280 mantang an laman an nasa P340 hasta P350.
Ini an katakod kan paglangkaw kan demand ngunyan na holiday season.
Napag-araman na pinaka mabenta sa ngunyan an liempo, pata asin payo nin urig.
Sinabi ni Macam na dakulang oportunidad man an dakol na mga parabakal ngani na maski papano an magkaigwa nin ganansya an mga paratienda.
