Ipigbuyagyag ni Caloocan City Rep. Egay Erice na nahiling naman niya an laog kan kopya kan mga kontrobersyal na file na suboot hale ki dating Department of Public Works and Highways (DPWH) USec. Catalina Cabral.
Sa sarong intrevista, sinabi kan mambabatas na ipigheras saiya ni Batangas 1st District Rep. Leandro Leviste an kopya kan mga files na orihinal niyang nakuwa ki Cabral.
Pigrepaso na niya suboot an mga laog kaini, alagad dai pa gabos nabasa.
Sinabi niya na kabali sa saiyang nahiling an listahan kan mga encoder, contratista, asin iba pang personalidad na suboot responsable sa lakop na korapsyon na nangyayari sa flood control projects sa manlaen-laen na parte kan nasyon.
Magigirumduman na pinangenotan ni House Senior Deputy Minority Leader asin Caloocan Rep. Edgar Erice an pagsangat nin resolusyon sa Kamara nganing imbestigaran an pagkagadan ni Cabral.
Segun sa mambabatas, kun mapoon na an imbestigasyon, in aid of legislation, plano kaining ipaapod an mga pangaran na parte kan nasambitan na listahan, kabale na an mga nagserbing encoder sa mga kontrobersyal na files.
Kumpiyansa si Rep. Erice na igwang paagi pa nganing ma-verify kun an listahan kan mga pangaran sa mga files na kapot ni Leviste parehas sa orihinal na laog kan mga files na nasa kustodiya ni Cabral, sa ibong kan dagos nang pagkagadan kan dating undersecretary.
 USec. Catalina Cabral.){kind=link}