LEGAZPI CITY- Padagos an pigigibong pagbabantay kan Philippine Institute of Volcanology and Seismology sa mga parametro kan bulkang Mayaon.
Basado sa datos kan ahensya, nairehistro an limang rockfall events asin duwang volcanic earthquake sa bulkan sa nakalihis na magdamlag.
Pigmo-monitor man magin an paghuhubag kan Mayon volcano.
Marurumduman na enot ng nagpatanid an ahensya sa publiko na magin alerto huli sa posibleng paglala kan aktibidad kan bulkan urog na kun makaka eksperyensya nin mga pag-uran sa provicia kan Albay.
Sa presente, nagtetenir man liwat sa alert level 1 an bulkang Mayon.
