LEGAZPI CITY—Padagos an paglilibot kan Bureau of Fire Protection Legazpi sa mga barangay sa ciudad katakod kan pag-asigurar nin salbadong pag-obserbar kan holiday season.
Segun ki Bureau of Fire Protection Legazpi Senior Fire Office 2 Norman Andes, sa intrevista kan Bombo Radyo Legazpi, pigsagibo ninda ini sa paagi nin pagbarewas nin impormasyon asin pagpagiromdom kun ano an gigibohon nganing makalikay sa anumang kasulo.
Maabot man sa 80 personnel an saindang ipig-deploy na madurar sagkod Enero 2, 2026 sa mga manlaen-laeng lugar siring kan mall, terminal, asin mga pantalan.
Dugang kan opisyal na sa presente wara pa man sindang nairerehistrong isnidente nin kasulo na may kinaaraman ngonian na panahon nin Kapaskuhan.
Mientrastanto, nagpagiromdom man si Andes sa mga nagtitinda nin mga paputok na siertohong kumpleto an fire safety requirements, siring kan pagbugtak nin fire extinguisher asin drum nin tubig sa saindang tindahan.
Abiso man kaini sa publiko na pirmehang mag-ingat urog na sa paggamit nin electric appliances, mga paputok, nganing magin matoningon an selebrasyon ngunyan na holiday season.
