LEGAZPI CITY- Nakapagrehistro nin anom na rockfall events sa bulkang Mayon sa nakalihis na magdamlag.
Afuera digdi, nairehistro man kan Philippine Institute of Volcanology and Seismology an sarong volcanic earthquake.
Marurumduman na padagos an monitoring kan ahensya sa mga pigbabantayan na parametro sa bulkan huli sa paglangkaw kan aktibidad kaini kan nakalihis na mga aldaw.
Sa presente, padagos man an ground deformation o paghububag kan Mayon volcano.
Sa ibong kaini, wara man na pagbabago sa presenteng alerto kan bulkan na nasa alert level 1.
Mientrastanto, mahigot man na ipinagbabawal an paglaog sa 6km radius permanent danger zone kan bulkan huli sa posibilidad na paglala kan aktibidad kaini.
