Ipapadagos kan bicameral conference committee ang deliberasyon kan propwestong 2026 national budget sa Martes, Disyembre 16 makalihis na hagadon kan Senado na i-octaba an nakatalaang deliberasyon kan Lunes.
Segun ki House Committee on Appropriations chairperson Mika Suansing na naoogma siya sa sinabi ni Senate Finance Committee chairperson Sen. Sherwin Gatchalian na madadagos na an deliberasyon saaga.
Sinabi ni Suansing na dae pa aram kun anong oras mabukas an deliberasyon.
Sa ibong kan kahagadan kan Senado na ioctaba an deliberasyon, nagpadagos an contigent kan Kamara sa Philippine International Convention Center asin nagbakasakali na madagos pa ini maski banggi na. Naghalat sinda nin labi sa tolong oras bago sinabi ni Gatchalian na sa Martes na ini madadagos.
Naoctaba an pagdiskotir sa propwestong 2026 national budget huli sa alokasyon sa infrastructure projects kan Department of Public Works and Highways (DPWH).
Nagpatanid si DPWH Sec. Vince Dizon na dakol na proyekto an magigin unimplementable kun susunodon an ginibong across-the-board na pagtapyas kan Senado sa budget kan ahensya.
