LEGAZPI CITY-Sinuportaran kan Department of Agriculture (DA) an mga naenot nang pahayag kan Department of Trade and Industry (DTI) na kasya an kantidad na P500 ngani makabakal na mga panghanda para sa Noche Buena.
Segun kay Agriculture Assistant Secretary for Agribusiness, Marketing and Consumer Affairs Atty. Genevieve Velicaria-Guevarra, posible ini maski pa sa sarong pamilya na pigbibilog kan limang miyembro alagad nakadepende suboot sa kun ano an mawot nindang ihanda.
Kasunod ini kan presenteng mga presyo kan mag barakalon sa merkado siring kan karneng orig na nagkakawat sa P330 sa kada kilo asin presyo kan manok na nasa pagultanan kan P180-P200 sa kada kilo an presyu.
Kasunod kaini, pighikayat man ni Guevarra an publiko na pilion na sana an mga magpapabakal sa mga Kadiwa Stores kun sain mas hababa suboot nin haros 20%-30% an mga presyo kan mga barakalon asin direktang nababakal sa saindang ahensya sa mga lokal na paraooma.
Mientrastanto, tinawan doon man ni Guevarra na mantang nasa P500, magigin limitado an mga pagpipilian.
Sinabi pa niya na an pagbakal kan mga pagkakan sa hababang kantidad an nakakatabang ngani magamit pa sa kadakol na paagi an budget kan sarong pamilya.
