LEGAZPI CITY – Nagpagirumdom an Schools Division Office Albay mapadapit sa pagkokondusir nin mga christmas party asin christmas break sa mga pampublikong eskwelahan.
Segun ki Schools Division Office Albay Spokesperson Froilan Tena sa intrevista kan Bombo Radyo Legazpi na mahigot nindang ipinagbabawal an no collection policy asin dae man dapat magsobra sa kakayanan kan estudyante asin paratukdo an pagsasagibo nin party.
Dapat suboot nakasyerto an mga importanteng mga gamit arug kan mga school record antes magsapit an christmas break nganing malikayan an pagkadistroso kaini enkaso may mamatean na mga makukusog na pag-uuran.
Alagad sa ibong kan saindang pagirumdom an mawot man nindang mag-ugma an mga estudyante asin paratukdo sa pagseselebrar kan christmas party asin kapaskuhan.
Pigtaram pa kan opisyal na an primerong aldaw kan christmas break an sa December 19 mantang an pagbabalik naman kan mga estudyante an pagsapit man kan Enero 2 kan masunod na taon.
Paliwanag niya na kaipuhan tulos na magbalik an klase huli ta pirang beses na ining nasuspinde huli sa mga magkakasunod na bagyong naka-apektar sa rehiyon.
Pagdoon pa ni Tena na pwedesir man gamiton kan mga paratukdo an christmas break bilang pagpapahingalo asin pag-enjoy kaiba an saindang mga pamilya ngonian na holiday season.
