LEGAZPI CITY—Pighayag kan sarong transport group na mas halangkaw man giraray an itinaas kan presyo kan produktong petrolyo kumpara sa ipigbaba kaini sa ibong kan pigpapaotob na dagdag-bawas sa presyo kan mga darakulang kompanya nin krudo.
Ini makalihis na piglalaoman na mabawas liwat an presyo kan naunambitang produkto ngonian na semana.
Segun ki Condor-Piston Bicol Spokesperson, Ramon Rescovilla, sa intrevista kan Bombo Radyo Legazpi, maski pa suboot na may rollback an dae man giraray na mahabol an itinaas na presyo kan nasabing produkto.
Padagos man an pangapodan kan saindang grupo na magkaigwa nin paghalangkaw sa singil sa pamasahe nganing makabawi an mga drayber asin operator sa saindang pigkokonsumong petrolyo.
Mensahe man ni Rescovilla sa kapwa mga driver asin operator na manindugan sa manlain-lain nindang pangapodan siring kan pagbasura sa excise tax na ipigpataw sa produktong petrolyo huli sa dae man ini napapakinabangan asin napapaduman sana sa kurapsyon.
