LEGAZPI CITY-Tinuyaw an dai tulos pagrespondi sa sarong fatal accident na nangyari sa Barangay Baligang Camalig Albay makalihis na kataid na Barangay an enot na nagrespondi digdi.
Segun kay Punong Barangay Jocelyn Ventura, sa intrevista kan Bombo Radyo Legazpi, nangyari an insidente alas 12:12 na nin pagkabanggi asin dai ini tulos narespondihan huli sa turog an pigduman na kagawad para sa sarong rescue vehicle.
Sarong tanod suboot an nagsagibo nin paagi alagad kan pagabot sa lugar kan pinangyarihan kan insidente, na-rescue na ini kan mga tawohan kan Barangay Tulatula.
Nangyari an insidente sa parte kan relocation site na sakop kan Barangay Baligang.
Wara man suboot nin masyadong ilaw sa lugar na nagin kawsa kan aksidente asin nakainom an mismong driver kan nakadiskwidong behikulo.
Padagos man an imbestigasyon kan pulisya manungod sa nasabing insidente.
Mientrastanto, gadan an pasyente sa nasabing aksidente kun sain pigpapaubaya na man suboot kan konseho an bilog na imbestigasyon sa mga otoridad ngani mapanatag an saindang mga boot kasunod kan pangyayari.
