Nakatalaang isairarom sa preventive suspension an mas dakol pang personnel kan Department of Public Works and Highways (DPWH) sa tahaw kan imbestigasyon sa maanomaliyang flood control projects.
Ini an nagin simbag ni DPWH Secretary Vince Dizon kan mahapot katakod sa preventive suspension kan 40 DPWH personnel sa tahaw kan padagos na internal cleansing sa ahensiya makalihis an mga nabuyagyag na iregularidad sa mga proyektong pang-imprastruktura kan gobyerno.
Segun sa kalihim, dae sinda mapundo huli ta padagos an saindang internal investigation asin pakikipagtabangan sa Independent Commission for Infrastructure asin magin sa Ombudsman.
Kan Martes, naenot nang ibinuyagyag ni DPWH USec. Ricardo Bernabe III na nakatalaang isagibo an administrative proceedings laban sa 49 na empleyado kan DPWH kun saen 40 sa sainda an presenteng nasa preventive suspension.
Nagsangat man suboot nin kasong kriminal an ahensya laban sa 63 na indibidwal sa Ombudsman.
 are scheduled to be placed under preventive suspension amid investigations into anomalous flood control projects.){kind=link}