Nagsunad nin petition for certiorari an contractor na si Pacifico “Curlee” Discaya sa Pasay City court nganing kuwestiyunon an saiyang pagkakakulong sa Senado.
Segun sa saiyang abogado na si Atty. Cornelio Samaniego III, si Discaya nakakulong poon pa kan Setyembre 23 makalihis na dai inako an saindang petisyon para sa habeas corpus, kun kaya nagsangat sinda nin bagong petisyon.
Nanindugan sinda na warang intensyon si Discaya asin an saiyang pamilya na maglikay sa mga imbestigasyon asin nag-aatender man suboot sinda sa gabos na hearing sa Senado, Kamara de Representantes, DOJ, asin Independent Commission for Infrastructure.
Magigirumduman na pigkulong kan Senate Blue Ribbon Committee si Discaya huli sa suboot pag-utik sa ginibong hearing sa mga anomalya sa flood control projects kan Setyembre 18.
Enot nang sinabi kan Senado na tama asin nasususog sa Konstitusyon an itinaong contempt order laban ki Discaya.
Sa presente, pig-iimbestigaran an mga Discaya huli sa pagkakaimbuelto kan saindang mga construction firms sa mga suboot iregularidad sa mga proyektong flood control kan nasyon.
