LEGAZPI CITY- Pupuunan na ngunyan na semana an distribusyon kan cash assistance para sa mga residente kan Catanduanes na labing naapektaran kan bagyong Uwan.
Segun ki Catanduanes Governor Patrick Azanza sa intrevista kan Bombo Radyo Legazpi na personal siyang nakipag koordinar sa Department of Social Welfare and Development para sa pagpaparikas kan nasabing asistensya.
Marurumduman na nasa 39, 003 an mga benepisyaryo na isinumiter kan gobierno provincial sa ahensya.
Sa nasabing datos, nasa 4. 655 an totally damaged an mga kaharungan.
Segun sa gobernador na an enot na tranche kan ayuda an itatao sa Disyembre 12 sa presenteng taon.
An mga partially damaged na harong an matatawan nin P5,000 mantang P10,000 man para sa mga may totally damaged na harong.
