LEGAZPI CITY – Nag-aagrangay na an nagkapirang residente kan ciudad kan Legazpi an namamatean na pagbabaha na kawsa kan warang patod na pag-uuran.
Segun ki Josephine Pacheco na residente kan Barangay 33, PNR-site kan kaparehong ciudad sa intrevista kan Bombo Radyo Legazpi na poon pa kan nakaaging aldaw an haros dae na naghuhupa sagkod tuhod na pagbabaha.
Pigtutukdo man na saro sa mga pangenot na rason kan pagbabaha sa saindang barangay iyo an pagkabara kan mga creek huli sa mga basurang pigtatarapok kan mga tawo.
Pighihiling niya man na kawsa kan climate change an mga namamatean ngonian kan mga pilipino asin an pag-dumping sa mga piga-agihan nin tubig enkaso nag-uuran.
Pigtaram pa kaini na padifisilan man para sa sainda an paglinig kan saindang harong na piglaugan na nin tubig.
Kun aayuson suboot kan lokal na gobierno an pumping station o ibang paagi nganing masulusyunan an baradong drainage system an pwedesir na dae mamatean an pagbabaha sa ciudad.
Pangapodan ni Pacheco na dangugon an saindang agrangay asin sulusyunan an haros bulan-bulan nang problema kan mga namamanwaan.
