LEGAZPI CITY—Nagpagiromdom an Legazpi City Disaster Risk Reduction and Management Office sa mga namamanwaan na mag-preparar sa posibleng pag-ebakwar huli sa mga posibleng epekto kan raot nin panahon sa ciudad.
Segun ki Legazpi City Disaster Risk Reduction and Management Officer Engineer Miladee Azur, sa intrevista kan Bombo Radyo Legazpi, na en kaso man na may mga nairehistrong pagbaha o landslide sa lugar an dapat na i-preparar an mga emergency go bags na dadarahon sa evacuation center.
Siring man suboot an pagpakarhay sa mga wawalaton na gamit magin an harong en kaso mag-ebakwar asin pakikipagkoordinar sa mga evacuation centers.
Mientrastanto, abiso man kan opisyal na padagos na mag-monitor sa presenteng kamugtakan kan panahon sa paagi kan pagdangog sa radyo, pag-antabay sa social media, magin sa group chats.
Dugang pa niya na magin mapagmatyag sa kapalibutan asin an pag-aram sa pagkundusir nin pre-emptive evacuation en kaso man na magkaigwa nin advisory gikan sa mga otoridad.
