LEGAZPI CITY—Nangapudan si Legazpi City Mayor Hisham Ismail sa publiko na magin responsable sa kapalibutan en kaso man na magbisita sa mga pasyaran sa Legazpi City.
Ini katakod kan nangyaring grass fire sa Barangay Lamba sa nasabing ciudad pasado alas-6 nin banggi, Miyerkules, Disyembre 3.
Segun sa alkalde sa intrevista kan Bombo Radyo Legazpi, na magin responsable sa saindang mga hiro huli sa an mga saradit na gibo o bagay an pwedesir na magkawsa nin mga darakulang problema o insidente.
Mientrastanto, idineklarang fire out an kasulo bandang 9:05 nin bangging Miyerkules, kun sain pinagtarabangan ining mapalsok kan Bureau of Fire Protection Legazpi, BFP Regional V, BFP Daraga, BFP Sto. Domingo, asin Legazpi Chinese Filipino Volunteer Fire Brigade, Inc.
Wara man suboot na nairido, casualty o naraot na residencia sa naunambitang insidente.
