LEGAZPI CITY – Nakatalaang makipag-olay si Albay Governor Noel Rosal sa Environmental Management Bureau mapadapit sa Iwa Besu Corporation na nakatugdok sa banwaan kan Daraga na pigrereklamo kan mga residentes.
Saro kaya sa mga agrangay kan mga residentes laban sa nasambitang korporasyon iyo an suboot mabatang parong hale sa mga basurang nakatambak sa nasambitang lugar.
Segun sa Gobernador sa intrevista kan Bombo Radyo Legazpi na dae dapat pa-bweluhon an nasambitang korporasyon asin dapat nagsusunod ini sa Republic Act 9003 o mas bisto sa Ecological Solid Waste Management Act of 2000.
Mawot niya man maaraman kun nyata dae napadarahan kan Environmental Management Bureau nin surat o show cause order an korporasyon sa ibong kan kadakol nang residente an nag-aagrangay.
Mientrastanto, ipig-anunsyo man ni Governor Rosal an pagpapailaw kan Christmas tree sa Peñaranda Park sa maabot na December 5.
Paglilinaw niya man na naghagad nin permiso an gobierno provincial nganing paramientras na magamit an park para sa pagtitindog nin Christmas tree asin isasarado pagsapit kan Enero sa masunod na taon.
