LEGAZPI CITY-Pigsugo kan Airbus an tulos na paghirahay kan nagkapirang parte kan saindang A320 aircraft makalihis magkaigwa nin teknikal na isyu.
Huli digi, nagkapirang eroplano kan local airline companies an temporamentng hinale sa operasyon ngani masierto an kaligtasan kan mga pasahero.
Segun kay DOTr Sec. Giovanni Lopez na nasa 78 aircraft kan A320 asin A321 models sa nacion an apektado kan software update.
Nagpatanid an mga airline na pwedisir magkaigwa nin pagkaantala asin kanselasyon kan mga biyahe.
Apektado an nagkapirang domestic asin international flights, orog na ngonian na papaabot na an holiday season.
Alagad pigsisierto man na gabos na updates an makokompleto saaga aldaw nin Domingo.
Nanotaran man na 11,000 A320 aircraft an nag-o-operate worldwide asin kabangan kaini an apektado kan nasabing direktiba.
Pigsierto na man kan Airbus na an “fix” an parte kan saindnag safety measure asin dai magreresulta sa pangmatagalang problema.
Pinayuhan an mga pasahero na mag-check kan flight status bago magbiyahe asin makipagkoordinar sa customer service para sa rebooking.
Sa tahaw kan abala, sinabi kan mga airline na pigsasagibo na ninda an gabos ngani na ma-minimize an epekto kan delay sa publiko.
