LEGAZPI CITY-Piglalaoman kan mga otoridad sa Hong Kong na mahalangkaw pa n numero kan mga nagadan sa mahiwasang kasulo sa sarong housing complex sa Hong Kong.
Makalihis ini na magkaigwa nin kumpirmadong 128 katawo na nagadan asin kadakol pa an pinaghahanap.
Sarong lalaki man an nailigtas kan mga bumbero sa 16th floor hale sa saro mga towers kan Wang Fuk Court complex.
Pigkakarkulong nasa labi 4,000 katawo an nagtetenir sa nasabing public housing sa Tai Po City.
Padagos man an pigsasagibong imbestigasyon kan mga otoridad mapadapit sa kawsa kan kasulo na pigkokonsiderang pinakamatinding insidente sa historya kan Hong Kong.
